Sauntai Syair Gasan Baginda Rasulullah,,,

Puji wan syukur Lillahi Akbar,
Gasan nikmat-Nya halus wan basar,
Salawat akmal wan salam,
Gasan Nabi Palita Alam,


Salam atas kaluarganya Nabi,
Fatimah, Hasan, Husein wan Ali,
Wan katurunannya Hasan wan Husein,
... Sampai kiamat akhirul zaman,

Sabalum sasuatu tajadi,
Allah jadiakan Nurnya Nabi,
Allah jadiakan matan Nur-Nya
Nur Nabi Muhammad kekasih-Nya,

Saganap Nabi sabalum Nabi Muhammad,
Dijadiakan matan Nur Muhammad,
Kaitu jua arsy wan kursi,
Luh, qalam, surga wan bidadari,

Langit, bumi, bulan wan bintang,
Wan matahari nang tarang,
Wan sabarataan makhluknya Rabbi,
Asal mula matan Nur Nabi,

Lamun kada wujudnya Nabi,
Kadada surga wan bidadari,
Kadada arsy, luh wan qalam,
Kadada kursi wan alam,

Kadada dunia, langit wan bumi,
Kadada bulan, bintang wan matahari,
Kadada malam kadada siang,
Kadada kadap kadada tarang,

Kadada manusia wan hiwan,
Kadada amas, pirak, intan wan barlian,
Samunyaan nintu Allah siapakan,
Marga Nabi handak dizahirakan,

Dizahirakan Nabi Muhammad marga rahmat,
Rahmat gasan alam wan umat,,

Sumber: http://www.facebook.com/franz.fm#!/FanBB